Damen U23 3

 

Da die meiste vo üs no eher unerfahreni Volleybauspilerinne si, hei mir nid au zu grossi Erwartige a d Hiirundi gha. Dementsprächend si üsi Ziu gsi: ersti Matcherfahrige z sammle, Spass z ha und mau z luege wies so louft. Erstunlecherwiis hei mir tatsächlech ganzi zwöi Matche chönne gwinne (mir säge iz ni ds es beidi mau rächt knapp isch worde) und si de angere Teams gar nid so ungerläge gsi wie zersch befürchtet. 😉

 

Momentan lerne mir üsi Teamkameradinne besser kenne. Zum Bispiu bim Chrafttraining, wo mir lieber lafere statt lifere, bim Linielouf, wo sicher immer öpper z wit secklet oder ganz eifach bim matchle im Training. Augemein machts Spass u Fröid im Team zäme Fortschritt z mache.

 

Mir hoffe ds mir ir Rückrundi dr eint oder anger Match chöi gwinne und üsi Volleytechnik witerhin chöi verbessere (a dere Steu es grosses Merci füre Isatz vo üsne Trainerinne, Julä & Ändi)